नन्द बहादुर रोकायाः
२८ साउन, रेडियो मुगु (गमगढी) मुगु सदरमुकाम गमगढी काँचो स्याउ बिक्री गर्ने गरेका छन । स्याउ पछी कुहिनेर न बिक्रि नहुने भन्दै जात्राको मौका छोपि काँचो स्याउ बिक्रि गरेका हुन । यातायताको राम्रो पहुँच नभएकाले र स्याउ राख्ने कोल्डस्टोर नभएकाले पछी स्याउ कुहिने डरले किसान हरुले काँचो भएपनी स्याउ बिक्रि गर्नेगरेको बताएका छन । 

मुगुमा स्याउको पकेट क्षेत्र मानिएका ताल्च,कल्पाल्त बाम,शोभा,बुम्च,ख्याल्च लगात साविबको खमाले गा विस भएको भएपनी सदरमुकाम गमगढी नजिकका किसानले काँचो स्याउ बढी बिक्रि गर्ने गरेका छन । यता जिल्ला कृषि बिकास कार्यलयले भदौ दोस्रो हप्ता पछि मात्र स्याउ टिप्न उपयुक्त हुने भएकाले अहिले नै स्याउँ टिप्नका लागी नहत्तारिन जिल्लाका स्याउ कृषकहरुलाइ आग्रह गरेको छ । कृषकहरुले परिपक्व नभएको स्याउ टिपेर सदरमुकाम तथा सामान्य मात्रामा बाहिर निर्यातको तयारी गरेपछि कार्यालयले यस्तो आग्रह गरेको छ । 

यो समयमा स्याउ टिप्दा स्याउँको गुणस्तर पनी नहुने तथा यदि बाहिर निर्यात भए जिल्लाको स्याउको गुणस्तरमा समेत दाग लाग्ने भएकाले छिटै स्याउ नटिप्न कार्यालयले आग्रह गरेको बताईएको । भदौको पहिलो हप्तासम्म मुगुको स्याउ टिप्न योग्य नहुने कृषि बिज्ञहरुको भनाई रहेको छ । किसान तथा ब्यापारीलाई यतिखेरको काँचो स्याउ नटिप्न आग्रह गर्दै स्याउमा हुनुपर्ने गुलियोपना १२ देखि १४ प्रतिशत भएपछि मात्र स्याउ टिप्न योग्य हुने बताईएको छ  । 

काँचो स्याउ टिपेर लिएमा स्याउले राम्रो बजार नपाउने भएकाले किसान तथा ब्यापारीलाइ भ्रममा नपर्न समेत कार्यालयको अनुरोध रहेको छ । यो बर्ष स्याउको उत्पादनमा समेत गहेका बर्षको तुलनामा वृद्धी हुने जिल्ला कृषिबिकास कार्यलय मुगुका बाघवानी अधिकृत तेज विक्रमल्लले बताउनुभएको छ । यसै बिच जिल्लाका सरोकारवालानिकायले बर्षौको मेहनतले आफ्नो बारीमा लटरम्म स्याउ फलाएका किसान र ब्यापारीले स्याउ नछिप्पीदै यसरी टिपेर बजारमा बिक्रि गर्न तथा बाहिरी जिल्लामा निर्यात गर्नु राम्रो नभएको बताएका छन ।